Xalqaro valyuta jamg‘armasi (XVJ) ijrochi direktorlari kengashi Ukrainaga 880 million dollar miqdorida navbatdagi kredit ulushi ajratish bo‘yicha kelishuvlarni ma’qulladi. Bu haqda XVJ matbuot xizmati bayonotiga tayanib, “TASS” xabar berdi.
XVJ rahbariyati tashkilot va Ukraina rahbariyati o‘rtasida avval erishilgan kelishuvlarni ko‘rib chiqishni yakunlagan. Bu Ukrainaga byudjetni qo‘llab-quvvatlash uchun foydalaniladigan 880 million dollarni zudlik bilan ajratish imkonini beradi, — deyiladi matnda.
Ukrainaga navbatdagi transh ajratish bo‘yicha kelishuvga fevral oyida erishilgan edi. Jamg‘arma Ukraina iqtisodiyotining 2024-yilga mo‘ljallangan rivojlanishi prognozi “o‘ta noaniq”ligicha qolayotganini tan olgan.
To‘rt yillik kengaytirilgan kredit dasturi doirasidagi avvalgi 900 million dollarlik transh XVJ tomonidan 2023-yil dekabr oyida tasdiqlangan. Jamg‘arma avvalroq ushbu mexanizm bo‘yicha Ukraina uchun to‘rt yillik dasturni 15,6 milliard dollar miqdorida moliyalashtirishni tasdiqlagan edi. Ukraina davlat byudjetining umumiy fondiga 2023-yilning 3-aprelida 2,7 milliard dollarlik birinchi transh qabul qilingan.
Izoh (0)