O‘zbekistonda 20 000-00-00 mobil raqami elektron auksionda sotildi. Bu haqda Mobil raqamlar onlayn auksioni portalidagi ma’lumotlarda keltirilgan.
Ushbu mobil raqamga ega lot 12-mart kuni 200 million so‘m boshlang‘ich bahosi bilan sotuvga qo‘yilgan. Auksion 20-mart soat 00:32 da yakunlangan. Kimoshdi savdosi g‘olibi buning uchun 1,07 milliard so‘m to‘lashga tayyor.
Kimoshdi savdosi shartlariga ko‘ra, mobil telefonni sotishdan tushgan pul 5 kun ichida olinishi kerak, aks holda bitim haqiqiy emas deb topiladi.
O‘zbekistonda 2019-yildan boshlab Tovar-xomashyo birjasida chiroyli sonlar kombinatsiyasiga ega uyali telefon raqamlarini sotish bo‘yicha yangi savdo platformasi va mobilraqam.uzex.uz vebsayti test rejimida ishga tushirilgan. Auksion yakunlanganidan so‘ng, birjaning axborot tizimi tuzilgan bitimni ro‘yxatga oladi va xaridordan komissiya to‘lovini yechib oladi. Birja xizmati uchun to‘lanadigan komission yig‘im tuzilgan bitim narxidan 3 foiz miqdorida belgilangan.
Izoh (0)