Россиянинг Амур вилоятидаги олтин конида 19 март куни тоғ жинслари кўчиши оқибатида 13 нафар кончи шахтада қамалиб қолди. Бу ҳақда Anadolu нашри хабар берди.
Хабарда айтилишича, Амур вилояти ҳукумати Зея туманидаги Пионер конидан кончиларни қутқариш учун барча мавжуд ресурсларни сафарбар қилган. Кон атрофида фавқулодда ҳолат эълон қилинган.
Кончилар 125 метр чуқурликдаги бўшлиқда қолиб кетгани хабар қилинган. Ҳозирда улар билан ҳеч қанақасига боғланиш иложи йўқ.
Воқеа жойида қидирув-қутқарув ишларини олиб бориш учун 25 нафар қутқарувчидан иборат гуруҳ тайинланган. Фавқулодда вазият юзага келиши эҳтимоли инобатга олиниб, шахта атрофида Ми-8 вертолёти жойлаштирилган.
Кон ичида қолиб кетганларнинг кўпчилиги мамлакатнинг турли қисмларидан ва хориждан келиб ишлаётгани хабар қилинган.
Изоҳ (0)