Germaniya Putinni prezident deb atamasligini ma’lum qildi

Rossiyadagi saylovlardan so‘ng Germaniya tashqi ishlar vazirligi o‘z hujjatlari va bayonotlarida Rossiya prezidenti Vladimir Putinni faqat familiyasini ko‘rsatadi. Bu haqda Bild xabar berdi.

Germaniya Vazirlar mahkamasi vakili Kristian Hoffman “Rossiyadagi saylovlar” na erkin, na adolatli o‘tganini aytdi.

Natija oldindan aniq edi. Nodemokratik saylov bo‘ldi. Qo‘rqituvchi muhiti bor edi. Rossiyada so‘z erkinligi yo‘q. Mamlakatda hozirda diktatura hukmron va Vladimir Putinning avtoritar boshqaruvi ostidadir. Kansler ham bu haqda gapirgandi, — deya qo‘shimcha qildi Hoffman. 

U Ukrainaning bosib olingan hududlarida ham ovoz berish bo‘lganini keskin qoraladi. Germaniya hukumati Putinni “prezident yoki hukmdor” deb ataydimi, degan savolga Germaniya Tashqi ishlar vazirligi matbuot kotibi Sebastyan Fisher so‘nggi paytlarda departament hech qanday rasmiy unvonsiz faqat Putin familiyasidan foydalanayotganini aytdi.