Тошкент шаҳрида Centris Towers бизнес мажмуасининг сотув офиси очилишига бағишланган тадбир бўлиб ўтди. Маросимда тадбиркорлар, инвесторлар, таниқли санъаткорлар ва бошқа кўплаб соҳа вакиллари иштирок этди.
Centris Towers – пойтахтнинг қоқ марказида қурилаётган, юқори даражадаги қулайлик ва замонавийликни ўзида жамлаган А тоифали бизнес марказидир. Мажмуанинг умумий майдони 107 минг 504 квадрат метрни ташкил этади.
Centris Towers бир неча блоклардан иборат бўлиб, А блок 20 қават, B блок 18 қават, C блок 17 қават, D, E, F, G блок 11 қават қурилади.
Бизнес маркази умумий бир комплекс сифатида қад ростлайди. Комплексда энг замонавий технологиялар билан жиҳозланган офислар, тижорий ва ижтимоий майдонлар ҳамда мустақил автотураргоҳ барпо этилади.
Centris Towers лойиҳаси раҳбари Мақсад Мансуров қурилишда этибор бериладиган муҳим жиҳатлар ҳақида маълумот берди.
“Мажмуа архитектураси яшил зоналари билан ўзига хос кўринишга эга бўлади. Ҳар бир блокда камида 400 квадрат метрлик яшил зоналар барпо этилади. Иш ўринларига ҳам алоҳида эътибор қаратдик. Марказда бир вақтнинг ўзида 4 минг киши ишлаши мумкин. Шу билан бирга, бинолар пастки қисмида 4 қаватли, майдони 40 минг квадрат метр бўлган йирик автотураргоҳ ҳам қурулади”, – деди лойиҳа раҳбари.
Centris Towers қурилиши КОC Cоnсtruction компанияси томонидан амалга оширилмоқда. Компания бош директори ўринбосари Режаи Одабашнинг айтишича, мажмуа 2025 йилнинг охиригача қуриб битказилиши режалаштирилган.
“Сўнгги 6 йилда Тошкентда кўплаб лойиҳаларни амалга оширдик. Масалан, Hilton меҳмонхонаси ва Конгресс маркази, унинг ёнгинасидаги Опера салони, Кўргазмалар маркази, Akfa университети биноси, Янги Ўзбекистон боғи компаниямиз томонидан бажарилган лойиҳалардир. Шу билан бирга, Зомин туманида 3 та меҳмонхона, Тошкент марказида Ҳамптон бй Hilton, Бухорода Wyndham меҳмонхонаси ва Гулистон шаҳрида Президент мактаби қурилишини якунладик”, – деди Режаи Одабаш.
Тадбир давомида меҳмонлар мажмуа лойиҳаси ва унинг макет қисми билан таништирилди. Иштирокчиларга Centris Towersъдан биринчилардан бўлиб бино офис харид қилиш имкони яратилди.
Реклама ҳуқуқи асосида
Изоҳ (0)