Fransiyaning o‘ta o‘ngchi “Milliy Birlashish” partiyasi yetakchisi Marin Le Pen Fransiya prezidenti Emmanuel Makronning TF1 va France 2 telekanallariga bergan intervyusini sharhlab, prezident Fransiyani urushga olib borayotganini aytdi.
“Shu paytgacha Emmanuel Makron bizni xaosga olib borayotganini bilardik, lekin kecha u bizni urushga ham yetaklayotganini bilib oldik!” — deb yozdi Le Pen xonim X ijtimoiy tarmog‘ida.
Avvalgi postida siyosatchi prezident intervyusida mamlakatda yuz berishi mumkin bo‘lgan eng yomon narsalarni xotirjamlik bilan e’lon qilishini aytdi. “Fransuz xalqining hayoti bilan bunday beparvolarcha o‘ynashishni tasavvur qilib bo‘lmaydi”, — deb yozgan Le Pen.
Makronning intervyusi 14-mart kuni chop etilgan. Unda u, xususan, Rossiyani Fransiyaning raqibi deb atagan, shuningdek, ittifoqchilarni Ukraina hududida keskinlashuv kuchaysa va jangovar zonadagi vaziyat yomonlashgan taqdirda, Rossiyaga javob berishga tayyor bo‘lishga chaqirgan.
Shu bilan birga, Makron Fransiya Ukraina hududidagi mojaroda “hech qachon tashabbus ko‘rsatmasligini” ta’kidladi. Kreml Makronning so‘zlari Parijning Rossiya-Ukraina mojarosiga ko‘proq aralashish istagini anglatishini ma’lum qildi.
Izoh (0)