Eronning Pokistondagi elchixonasi barcha davlatlarni, xususan, islomiy davlatlarni islomofobiya, diniy zo‘ravonlik va terrorizmga qarshi hamjihatlikda kurashishga chaqirdi. Bu haqda IRNA nashri xabar berdi.
Eronning Pokistondagi elchixonasi 15-mart kunini Xalqaro islomofobiyaga qarshi kurash kuni sifatida nishonlash munosabati bilan milliy, mintaqaviy va xalqaro miqyosda, xususan, islomiy mamlakatlarda islomofobiya fenomeniga qarshi kurashish uchun muvofiqlashtirilgan chora-tadbirlar ko‘rish zarurligini taʼkidlagan. Ushbu harakat faqat Yaqin Sharqda emas, balki butun dunyoda ishlashi kerakligi urg‘ulangan.
Bayonotda aytilishicha, sionizm va mustamlakachilik tashkilotlari muqaddas Qurʼonni yoqish, Islom payg‘ambarini haqorat qilish, “fikr erkinligi” bahonasida bir yarim milliard insonning muqaddas narsalari, eʼtiqodlari va diniy qadriyatlarini ochiqdan ochiq haqorat qilish kabi fitnalar uyushtirmoqda. Ushbu harakatlar aslo oddiy holat sifatida qabul qilinishi kerak emas.
“Bu xavfli hodisa keskinlikning kuchayishiga, musulmonlarga nisbatan nafrat, islomofobiya va zo‘ravonlikning kuchayishiga sabab bo‘lib, xalqaro tinchlik va xavfsizlik, inson huquqlariga tahdid, xalqlar va ilohiy din eʼtiqodchilari o‘rtasidagi tinch munosabatlar va tinch-totuv yashashga tahdid yuzaga keltiradi”, — deyilgan Pokistondagi Eron elchixonasi rasmiy bayonotida.
Izoh (0)