Франциянинг ўта ўнгчи “Миллий Бирлашиш” партияси етакчиси Марин Ле Пен Франция президенти Эммануэль Макроннинг TF1 ва France 2 телеканалларига берган интервьюсини шарҳлаб, президент Францияни урушга олиб бораётганини айтди.
“Шу пайтгача Эммануэль Макрон бизни хаосга олиб бораётганини билардик, лекин кеча у бизни урушга ҳам етаклаётганини билиб олдик!” — деб ёзди Ле Пен хоним Х ижтимоий тармоғида.
Аввалги постида сиёсатчи президент интервьюсида мамлакатда юз бериши мумкин бўлган энг ёмон нарсаларни хотиржамлик билан эълон қилишини айтди. “Француз халқининг ҳаёти билан бундай бепарволарча ўйнашишни тасаввур қилиб бўлмайди”, — деб ёзган Ле Пен.
Макроннинг интервьюси 14 март куни чоп этилган. Унда у, хусусан, Россияни Франциянинг рақиби деб атаган, шунингдек, иттифоқчиларни Украина ҳудудида кескинлашув кучайса ва жанговар зонадаги вазият ёмонлашган тақдирда, Россияга жавоб беришга тайёр бўлишга чақирган.
Шу билан бирга, Макрон Франция Украина ҳудудидаги можарода “ҳеч қачон ташаббус кўрсатмаслигини” таъкидлади. Кремль Макроннинг сўзлари Парижнинг Россия-Украина можаросига кўпроқ аралашиш истагини англатишини маълум қилди.
Изоҳ (0)