Qo‘qon va Samarqandda TBC Talks ayol tadbirkorligiga bag‘ishlangan yig'ilish bo‘lib o‘tdi

6–7-mart kuni Qo'qon va Samarqandda TBC Talks uchrashuvlari bo'lib o'tdi. Ular O‘zbekiston ishbilarmon ayollar uyushmasi “Tadbirkor ayol” bilan hamkorlikda o‘tkazildi.

TBC Talks Qo‘qon

6-mart kuni Enerzon kovorking markazida muvaffaqiyatli biznes tadbirkorlar va Xalqaro Ishbilarmon Ayollar Assotsiatsiyasi ekspertlari chiqish qilishdi. “Tadbirkor ayol” loyiha koordinatori Nigora Jamalova ayollar tadbirkorligining asosiy jihatlari va istiqbollari haqida so‘z yuritdi. Uyushmaning biznes-murabbiyi Dilnoza Odilbekova zamonaviy dunyoda ayollar uchun muammolar va imkoniyatlar haqida o‘z nuqtai nazari bilan bo‘lishdi.

Ularning chiqishlari yig‘ilish a’zolarida katta qiziqish uyg‘otdi, ular ko‘plab savollar berib, muhokamada faol ishtirok etdilar.

TBC Talks Samarqand

7-mart kuni Hilton Garden Inn mehmonxonasida TBC Talks klubining yana bir yig'ilishi bo'lib o'tdi. Mumtoz TOUR sayyohlik agentligi direktori Nazira Amanova biznesda muvaffaqiyatga qanday erishish mumkinligi haqida o‘z hikoyasi bilan o‘rtoqlashdi. U o‘z yo‘lida duch kelgan qiyinchilik va imkoniyatlari haqida gapirib berdi.

“Unikum Eduland” xususiy maktabi asoschisi Sabrina Ruzmatova bilim va netvorkingga sarmoya kiritish muhimligini ta’kidlab, o‘qituvchilikdan muvaffaqiyatli biznes egasiga o‘tishi haqidagi hikoyasi bilan yig‘ilish a’zolarini ilhomlantirdi.

“Biz Xalqaro Ishbilarmon Ayollar Assotsiatsiyasi “Tadbirkor ayol” ekspertlari o‘z tajriba va bilimlari bilan o‘rtoqlasha oladigan TBC Talks loyihasiga qo‘shilganidan mamnunmiz. Tadbirlarda O‘zbekiston tadbirkorligida xotin-qizlarning o‘rni naqadar muhimligi, ishtirokchilar uchun yangi imkoniyatlar ochilayotgani alohida ta’kidlandi. Uchrashuvlar biznesni rivojlantirish uchun yangi g’oyalarni izlash platformasiga aylanib, mamlakatimizda tadbirkor ayollar — jiddiy o‘zgarishlar kiritishga qodir haqiqiy harakatlantiruvchi kuch ekanligini tasdiqladi. Umid qilamizki, muvaffaqiyat hikoyalari yanada ko'proq ayollar uchun ilhom manbai bo'lib, ularni o'z orzularini ro'yobga chiqarish va tadbirkorlik tashabbusini faol rivojlantirishga undaydi”, — deydi Xalqaro Ishbilarmon Ayollar Assotsiatsiyasi “Tadbirkor ayol” mintaqaviy menejeri Anjelika Ogay.

Ikkala uchrashuv ham rivojlanish va biznesda muvaffaqiyatga intilayotgan ayollar uchun imkonsiz narsaning o‘zi yo'qligini ko'rsatdi. Tadbir ishtirokchilari olgan bilim va ilhom uchun samimiy minnatdorlik bildirdilar. Ular bunday uchrashuvlar dunyoqarashni kengaytirish, tajriba almashish va yangi foydali aloqalarni yo‘lga qo‘yish uchun muhimligini ta’kidladilar.
TBC Talks loyihasi haqida

TBC Talks — TBC Bank Uzbekistan muvaffaqiyatli tarmoq platformasi. Uning maqsadi — biznes hamjamiyatini turli sohalardagi mutaxassislar bilan tanishtirish. Xalqaro tajriba almashish mumkin bo'lgan katta hamjamiyat yaratish.

Sayt: tbcbank.uz
Facebook: fb.com/tbcbankuz
Instagram: @tbcbankuzbekistan
Telegram: t.me/tbc_bank_uzb

Reklama huquqi asosida.