O‘zbekistonda bank mablag‘larini noqonuniy o‘zlashtirgani uchun davlatlararo qidiruvda bo‘lgan 39 yoshli o‘zbekistonlik erkak Sankt-Peterburgda qo‘lga olindi. Bu haqda 78.ru xabar berdi.
Erkak savdo shirkati rahbari sifatida yirik bankka tegishli 1,5 milliard so‘mni noqonuniy o‘zlashtirganlikda ayblanmoqda. Hibsga olingan shaxs Rossiyaga ishlash maqsadida 2021-yilning dekabr oyida kelgan. Hozirda uni politsiya bo‘limiga olib ketishgan. Ayblanuvchining qo‘lga olingani haqida O‘zbekiston tomoniga xabar berilgan.
Eslatib o‘tamiz, avvalroq Rossiyaning Pavlovsk shahrida ayol o‘g‘li yordamida o‘zbekistonlik migrantni o‘ldirishga uringandi. Ayol o‘zbekistonlik migrant bilan janjallashib qolgan. Dushmanlik hissi tufayli u 14 yoshli o‘g‘lini migrantni o‘ldirishga ko‘ndirgan. Natijada voyaga yetmagan bola ikki sherigi bilan O‘zbekiston fuqarosiga hujum qilgan. Erkak og‘ir ahvolda kasalxonaga yotqizilgan. Holat yuzasidan jinoiy ish ochilgan.
Izoh (0)