“Latsio” bosh murabbiy Maurisio Sarrining iste’fosini qabul qildi, deb xabar beradi klub sayti.
65 yoshli mutaxassis klubni 2021-yilning yozidan buyon boshqarib kelayotgan edi. Rimliklar barcha musobaqalardagi so‘nggi olti o‘yinda beshta mag‘lubiyat alamini totib ko‘rdi.
Italiya A seriyasida jamoa 28-turdan keyin 9-o‘rinda bormoqda.
Bosh murabbiy yordamchisi bo‘lib ishlagan Jovanni Martusiello “Latsio”ning yangi bosh murabbiyi etib tayinlandi. 52 yoshli murabbiy bungacha Sarri bilan “Yuventus” jamoasida, avvalroq “Inter”da Luchano Spaletti bilan birga ishlagan.
“Latsio” keyingi uchrashuvni 17-mart, yakshanba kuni “Frosinone” ga qarshi o‘tkazadi.
Izoh (0)