Futbol bo‘yicha Angliya Premyer Ligasining 27-turidan o‘rin olgan “Sheffild Yunayted” hamda “Arsenal” jamoalari o‘rtasida bahs 4-mart, dushanba kuni bo‘lib o‘tdi.
Unda London jamoasi mezbonlarni ayab o‘tirmadi. Uchrashuvning 5-daqiqasida Edegor hisobni ochdi. 13- daqiqaga kelib mezbonlar vakili Bogl o‘z darvozasini ishg‘ol qildi. Ikki daqiqa o‘tib Martinelli hisobni 0:3 ko‘rinishiga olib keldi. 25-daqiqada Kay Haverts hisobni yanada yiriklashtirdi. 39-daqiqada Rays mezbonlarni butunlay taslim qildi.
Uchrashuvning ikkinchi bo‘limining 58-daqiqasida Uayt hisobni 0:6 bo‘lishini ta’minladi.
Shunday qilib, “Arsenal” o‘zining ketma-ket yettinchi g‘alabasini nishonladi. Arteta shogirdlari 7 o‘yinda 31 bor raqiblar darvozasini ishg‘ol qilib, bor yo‘g‘i uch bor o’z darvozasidan to‘p olib chiqdi.
Londonliklar ushbu g‘alabadan so‘ng 61 ochko to‘plab uchinchi o‘rinda bormoqda. Ular ikkinchi o‘rindagi “Manchester Siti”dan bir ochkoga, “Liverpul”dan ikki ochkoga ortda qolmoqda.
APL
27-tur
4-mart, yakshanba
“Sheffild Yunayted” — “Arsenal” 0:6
Gollar: 0:1 — 5 Edegor (5), 0:2 — 13 Bogl (avtogol), 0:3 — 15 Martinelli, 0:4 — 25 Haverts, 0:5 — 39 Rays, 0:6 — 58 Uayt.
“Sheffild Yunayted”: Grbich, Bogl, Robinson, Ahmedhojich (Arblaster, 64), Trasti, Makati (Boldok, 46), Hamer, Norvud (Osborn, 17), Devis (Bruks, 46), Vinisius, Makberni (Osula, 46).
“Arsenal”: Rayya, Uayt (Soaresh, 65), Gabriel, Saliba, Kivior, Jorjinyo (Parti, 65), Edegor, Rays (Trossard, 74), Haverts, Martinelli (Jezus, 64), Saka (Viyeyra, 46).
Ogohlantirish: Bogl (29).
Izoh (0)