Afg‘onistonda yirik yo‘l-transport hodisasi sodir bo‘ldi. Oqibatda olti kishi halok bo‘lgan, 32 kishi jarohatlangan.
Ma’lumotlarga ko‘ra, voqea 5-mart kuni G‘aznining Andar tumanida sodir bo‘lgan.
Avtomagistralda Mazda avtomobili va yo‘lovchi avtobus to‘qnashib ketgan. Jarohat olganlarning bir qismining ahvoli og‘ir ekani xabar qilinmoqda.
Afg‘onistonda tirband yo‘llarda ehtiyotsizlik va avtomagistrallarda harakatlanishda xavfsizlik choralariga rioya qilmaslik ko‘pincha halokatli yo‘l-transport hodisalariga sabab bo‘ladi.
Yo‘l politsiyasi bosh boshqarmasi ma’lumotlariga ko‘ra, so‘nggi 10 oy ichida Afg‘onistonda yo‘l-transport hodisalari oqibatida 1600 dan ortiq odam halok bo‘lgan, 4000 dan ortiq kishi jarohatlangan.
Izoh (0)