Yevropa Komissiyasi prezidenti Ursula fon der Lyayen G‘azoga dengizdan yordam koridori yaratish rejalarini muhokama qilish uchun hafta oxirida Kiprga borishni rejalashtirmoqda. Bu haqda CNN nashri xabar berdi.
Xabarda aytilishicha, Yevropa rasmiysi 7-mart kunidan boshlab ikki kunlik safar davomida Kipr poytaxti Nikosiyada bo‘ladi. Safar davomida Kipr prezidenti Nikos Xristodulid bilan uchrashuv tashkil etish hamda Larnaka portiga tashrif buyurish rejalashtirilgan.
O‘tgan yili noyabr oyida Kipr tashqi ishlar vaziri Konstantinos Kombos xavfsiz, to‘liq nazorat qilinadigan dengiz yo‘lagi yaratishni taklif qilib, Yevropa rahbariyatiga murojaat qilgan edi. Bu orqali Kipr rasmiysi G‘azoga katta hajmda yordam jo‘natish imkoniyati yaratilishini bildirgan edi.
Isroil G‘azoga kirayotgan yuk mashinalarini o‘qqa tutgach, havo va suvdan koridor ochish masalasi kun tartibiga chiqdi. Dastavval bir qancha arab davlatlari G‘azo hududiga havodan yordam jo‘natmalari tashlagan edi.
Izoh (0)