Афғонистонда йирик йўл-транспорт ҳодисаси содир бўлди. Оқибатда олти киши ҳалок бўлган, 32 киши жароҳатланган.
Маълумотларга кўра, воқеа 5 март куни Ғазнининг Андар туманида содир бўлган.
Автомагистралда Mazda автомобили ва йўловчи автобус тўқнашиб кетган. Жароҳат олганларнинг бир қисмининг аҳволи оғир экани хабар қилинмоқда.
Афғонистонда тирбанд йўлларда эҳтиётсизлик ва автомагистралларда ҳаракатланишда хавфсизлик чораларига риоя қилмаслик кўпинча ҳалокатли йўл-транспорт ҳодисаларига сабаб бўлади.
Йўл полицияси бош бошқармаси маълумотларига кўра, сўнгги 10 ой ичида Афғонистонда йўл-транспорт ҳодисалари оқибатида 1600 дан ортиқ одам ҳалок бўлган, 4000 дан ортиқ киши жароҳатланган.
Изоҳ (0)