2024-yilgi MWC xalqaro ko‘rgazmasida Xitoyning Lenovo brendi innovatsion ThinkBook Transparent Display Laptop Concept – maksimal yorqinligi 1000 nit bo‘lgan shaffof MicroLED ekranli 17,3 dyuymli noutbukni namoyish etdi. U 55 foizgacha shaffoflikka ega. Bu haqda “Daryo.uz”ning Yevropadagi muxbiri xabar berdi.
Klaviatura tachpad kabi to‘liq sensorli. Stilus bilan ishlaganda, noutbuk uni avtomatik ravishda aniqlaydi va butun panelni yozish yoki chizish uchun katta taxta sifatida ishlatish imkonini beradi.
U, shuningdek, noutbukning asosida joylashgan g‘ayritabiiy veb-kamera bilan jihozlangan va foydalanuvchiga emas, balki ekranga qarab turadi. Bu ilovalarga ekran orqasidagi obyektlarni ko‘rish va ular bilan ishlash imkoniyatini beradi.
Izoh (0)