Daniya Ukraina bilan 10 yil muddatga xavfsizlik shartnomasi tuzdi, shuningdek, Ukrainaga shu yozda F-16 qiruvchi samolyotlarini yetkazib berishni nazarda tutuvchi yangi harbiy yordam paketini e’lon qildi.
G‘arb OAVlari Daniya TIV bayonotiga tayanib xabar qilichicha, “kelishuv kelgusi 10 yil ichida harbiy va fuqarolik yordami amalga oshirilishini bildiradi”.
Shu bilan birga, Daniya Ukrainaga 1,7 milliard kron (taxminan 228 million yevro) miqdorida yangi harbiy yordam paketini e’lon qildi. Ukrainaga 15-yordam paketi 15 ming artilleriya snaryadlari, shuningdek, dron va havo hujumidan mudofaa tizimlarini yetkazib berishni o‘z ichiga oladi, dedi Daniya Mudofaa vazirligi rahbari Troels Lund Poulsen.
Bundan tashqari, u yozda Daniya Ukrainaga F-16 qiruvchi samolyotlarini yetkazib berishini aytdi.
Avvalroq Daniya bosh vaziri Mette Frederiksen ittifoqchilarni Ukrainaga yordam hajmini oshirishga chaqirgandi.
“Biz ko‘proq davlatlar buni olti oy yoki bir yil ichida emas, balki hozir — ehtiyoj juda va juda katta bo‘lganda amalga oshiradi degan umiddamiz”, — dedi u matbuot anjumanida.
Izoh (0)