O‘zbekistonda 18-fevral kuni barcha elektr stansiyalar orqali jami 231,4 million kVt/soat elektr energiyasi ishlab chiqarildi. Bu haqda Energetika vazirligi matbuot xizmati xabar berdi.
Qayd etilishicha, buning uchun issiqlik elektr stansiyalarida 40,3 million kubometr tabiiy gaz, 26,3 ming tonna ko‘mir hamda 10,7 ming tonna mazut yoqilgan.
Shuningdek, Turkmanistondan 21,6 mln kVt/soat elektr energiyasi import qilingan.
Shunga qaramay, 18-fevral kuni elektr energiyasi yetkazib berish bo‘yicha defitsit 6,4 million kVt/soatni tashkil etib, mamlakat bo‘ylab kunning tig‘iz vaqtida 400 MVtgacha cheklovlar kiritilishiga sabab bo‘lgan.
Respublika isteʼmolchilariga 225,6 mln kVt/soat elektr energiyasi yetkazib berilgan. Tabiiy gaz isteʼmoli 151,6 million kubometrni tashkil qilgan.
Avvalroq Energetika vazirligi O‘zbekistondagi barcha metan zapravkalar faoliyati vaqtinchalik to‘xtatilgani va bu cheklov bugun ham davom etishini ma’lum qilgandi.
Izoh (0)