Shanba kuni London markazidagi Isroil elchixonasi yaqinida Falastinni qo‘llab-quvvatlovchi yirik namoyish bo‘lib o‘tadi. Unda 250 ming kishi ishtirok etishi kutilmoqda, deb xabar berdi ITV.
“Falastin birdamlik kampaniyasi vakili London markazida 200-250 ming kishi namoyish o‘tkazishi kutilayotganini aytdi”, — deyiladi telekanal bayonotida.
Falastinni qo‘llab-quvvatlovchi aksiya ishtirokchilari London markazidan boshlab Isroil elchixonasi yaqinigacha yurib boradi. London politsiyasi xavfsizlik nuqtai nazaridan namoyishchilarni diplomatik missiya binolaridan 100 metrdan uzoqroqda ushlab turish uchun qo‘riqlanadigan panjaralar o‘rnatishini ma’lum qildi. Jami 1,5 mingga yaqin huquq-tartibot idoralari xodimlari namoyish davomida tartib va xavfsizlikni taʼminlaydi, ularning aksariyati boshqa shaharlardagi bo‘linmalardan jalb etiladi.
Telekanalning eslatishicha, bu Isroilning Londondagi elchixonasi yaqinida Yaqin Sharqdagi vaziyat keskinlashganidan keyingi ikkinchi namoyishdir. Avvalgisi 2023-yilning 9-oktyabr kuni bo‘lib o‘tgan edi.
London politsiyasi Falastin tarafdorlari avvalgi namoyishlarda jiddiy tartibsizliklar yuzaga keltirmagani, shanba kungi yurishda ham bu narsa kutilmayotganini bildirdi.
Izoh (0)