Шанба куни Лондон марказидаги Исроил элчихонаси яқинида Фаластинни қўллаб-қувватловчи йирик намойиш бўлиб ўтади. Унда 250 минг киши иштирок этиши кутилмоқда, деб хабар берди ITV.
“Фаластин бирдамлик кампанияси вакили Лондон марказида 200-250 минг киши намойиш ўтказиши кутилаётганини айтди”, — дейилади телеканал баёнотида.
Фаластинни қўллаб-қувватловчи акция иштирокчилари Лондон марказидан бошлаб Исроил элчихонаси яқинигача юриб боради. Лондон полицияси хавфсизлик нуқтаи назаридан намойишчиларни дипломатик миссия биноларидан 100 метрдан узоқроқда ушлаб туриш учун қўриқланадиган панжаралар ўрнатишини маълум қилди. Жами 1,5 мингга яқин ҳуқуқ-тартибот идоралари ходимлари намойиш давомида тартиб ва хавфсизликни таъминлайди, уларнинг аксарияти бошқа шаҳарлардаги бўлинмалардан жалб этилади.
Телеканалнинг эслатишича, бу Исроилнинг Лондондаги элчихонаси яқинида Яқин Шарқдаги вазият кескинлашганидан кейинги иккинчи намойишдир. Аввалгиси 2023 йилнинг 9 октябрь куни бўлиб ўтган эди.
Лондон полицияси Фаластин тарафдорлари аввалги намойишларда жиддий тартибсизликлар юзага келтирмагани, шанба кунги юришда ҳам бу нарса кутилмаётганини билдирди.
Изоҳ (0)