Rossiya HAMAS va boshqa Falastin guruhlari, jumladan “Fath” aʼzolarini Isroil-HAMAS urushi va Yaqin Sharqdagi boshqa masalalar bo‘yicha muzokaralar o‘tkazish uchun Moskvaga taklif qildi. Bu haqda Al-Arabiya nashri Kreml matbuot xizmati tarqatgan xabarga asoslanib maʼlum qildi.
Rossiya maʼmuriyati 29-fevraldan boshlab o‘nga yaqin falastinlik guruhlar o‘zaro muzokaralar o‘tkazish uchun Moskvaga taklif qilinishi haqida xabar bergan. Muzokaralar asosan ikki qismga bo‘lingan Falastin uni yagona rahbariyat ostida yana birlashtirish haqida bo‘lishi bildirilgan.
“Biz Falastinning barcha vakillarini, shuningdek, Suriya, Livan va mintaqaning boshqa mamlakatlarida o‘z pozitsiyalariga ega bo‘lgan barcha siyosiy kuchlarni taklif qildik”, — degan prezident Vladimir Putinning Yaqin Sharq bo‘yicha maxsus vakili Bogdanov bo‘lg‘usi muzokaralarga munosabat bildirib.
Bogdanovga ko‘ra, taklif etilganlar orasida “Fath”, “Falastin ozodlik tashkiloti” (FOT) vakillari bilan bir qatorda HAMAS va “Falastin islomiy jihodi” tashkiloti aʼzolari ham bor.
Izoh (0)