Xorazmda 12,5 ming nafar qoidabuzar haydovchidan 3,8 mlrd so‘mdan ortiq qarzdorlik undirildi. Bu haqda Bosh prokuratura matbuot xizmati xabar berdi.
Maʼlum qilinishicha, Bosh prokuratura hamda MIBning Xorazm viloyati boshqarmasi tomonidan hamkorlikda o‘tkazilgan qo‘shma reyd tadbirlari davomida maʼmuriy jarimalarni belgilangan muddatda to‘lamagan fuqarolar zamonaviy texnologiyalar yordamida aniqlangan.
Shundan kelib chiqib, 12 574 nafar qoidabuzar haydovchilardan 3,8 mlrd so‘mdan ortiq qarzdorlik undirilgan. Jarimani to‘lashdan bosh tortgan qarzdorlarga tegishli bo‘lgan 137 ta avtotransport vositalari jarima maydonchasiga joylashtirilgan.
Shundan 46 tasi boshqarma ish yurituvidagi ijro hujjatlari bo‘yicha qidiruvda bo‘lgan transport vositalari ekani aniqlangan. Jumladan, ijro hujjati bo‘yicha qarzdor “DUMAUZCHINA” xususiy korxonasining belgilangan muddatda to‘lanmagan 165 mln so‘m miqdoridagi soliq qarzdorligi sababli korxonaga tegishli bo‘lgan avtotransport vositasi jarima maydoniga joylashtirilib, qarzdorlikni undirish choralari ko‘rilmoqda.
Izoh (0)