Tashqi mehnat migratsiyasi agentligi Janubiy Koreyada nelegal bo‘lib turgan o‘zbekistonliklarga jarima va ushbu mamlakatga qayta kirish taqiqlaridan ozod bo‘lish imkoniyati haqida ma’lumot berdi.
Qayd etilishicha, Janubiy Koreyada noqonuniy (nolegal) bo‘lib turgan O‘zbekiston fuqarolari 2024-yil 29-fevralgacha ushbu davlatdan chiqib ketishi mumkin. Buning uchun chiqib ketishdan 3 ish kuni oldin Immigratsiya xizmatiga borib, ketish to‘g‘risida ixtiyoriy ariza to‘ldirish, pasport va aviachipta taqdim etish zarur.
Immigratsiya xizmati beradigan tasdiqnoma bilan vatanga muammosiz qaytib kelishi mumkin.
Immigratsiya xizmati maʼlum qilishicha, noqonuniy bo‘lib turgan fuqaro ushbu imkoniyatdan foydalanib, o‘z xohishi bilan chiqib ketsa, deportatsiya qilinmaydi va kelgusida Janubiy Koreyga qayta kirib borish imkoniyatiga ega bo‘ladi.
Agentlig o‘zbekistonliklarni Janubiy Koreya migratsiya qonunlarini buzmaslikka va nolegal holatga o‘tmaslikka chaqiradi.
Avvalroq ilk bor Koreyaga 2024-yilda ishga yuborish uchun 100 ming nafar o‘zbekistonlik tanlovlarga jalb qilinishi aytilgan edi.
Izoh (0)