Ташқи меҳнат миграцияси агентлиги Жанубий Кореяда нелегал бўлиб турган ўзбекистонликларга жарима ва ушбу мамлакатга қайта кириш тақиқларидан озод бўлиш имконияти ҳақида маълумот берди.
Қайд этилишича, Жанубий Кореяда ноқонуний (нолегал) бўлиб турган Ўзбекистон фуқаролари 2024 йил 29 февралгача ушбу давлатдан чиқиб кетиши мумкин. Бунинг учун чиқиб кетишдан 3 иш куни олдин Иммиграция хизматига бориб, кетиш тўғрисида ихтиёрий ариза тўлдириш, паспорт ва авиачипта тақдим этиш зарур.
Иммиграция хизмати берадиган тасдиқнома билан ватанга муаммосиз қайтиб келиши мумкин.
Иммиграция хизмати маълум қилишича, ноқонуний бўлиб турган фуқаро ушбу имкониятдан фойдаланиб, ўз хоҳиши билан чиқиб кетса, депортация қилинмайди ва келгусида Жанубий Корейга қайта кириб бориш имкониятига эга бўлади.
Агентлиг ўзбекистонликларни Жанубий Корея миграция қонунларини бузмасликка ва нолегал ҳолатга ўтмасликка чақиради.
Аввалроқ илк бор Кореяга 2024 йилда ишга юбориш учун 100 минг нафар ўзбекистонлик танловларга жалб қилиниши айтилган эди.
Изоҳ (0)