Avstraliyada ishchilarga ish vaqtidan tashqari rahbarlarning qo‘ng‘iroq va xabarlarini e’tiborsiz qoldirish huquqini beruvchi qonun joriy qilinadi. Qoidani buzgan ish beruvchilar jarimaga tortiladi. Bu haqda Reuters xabar berdi.
Bu ishchilar huquqlarini himoya qiluvchi, ish va shaxsiy hayot o‘rtasidagi muvozanatni tiklashga yordam beruvchi qonun loyihasi doirasida taklif etilgan. Ishchilarga ishdan tashqari o‘z qurilmalarini o‘chirish huquqini beruvchi shunga o‘xshash qonunlar Fransiya, Ispaniya va boshqa Yevropa Ittifoqi mamlakatlarida allaqachon mavjud.
“Kuniga 24 soat maosh olmaydigan odam onlayn bo‘lmasa va kuniga 24 soat ishlamasa, jazolanmasligi kerakligini aytmoqchimiz”, — deydi Avstraliya bosh vaziri Entoni Albanese.
Shu bilan birga, ba’zi siyosatchilar, ish beruvchilar va biznes rahbarlari bu raqobatbardoshlikka ta’sir qilishi mumkinligidan ogohlantirmoqda.
“Yashillar” partiyasi rahbari Adam Bandtning aytishicha, avstraliyaliklar har yili o‘rtacha olti hafta to‘lanmagan ish vaqtida ishlaydi. Bu esa butun iqtisodiyot bo‘ylab to‘lanmagan ish haqi sifatida 92 milliard Avstraliya dollaridan (60,13 milliard dollar) oshadi.
Izoh (0)