Ozarbayjonning amaldagi prezidenti Ilhom Aliyev mamlakatdagi navbatdan tashqari prezidentlik saylovlarida g‘alaba qozondi va 93,9 foiz ovoz oldi.
Bu ma’lumotlar chorshanba kuni kechqurun ekzit-poll o‘tkazgan Amerikaning Oracle maslahat guruhi tomonidan taqdim etildi.
So‘rov natijalariga ko‘ra, qolgan olti nomzod 0,3 foizdan 1,8 foizgacha ovoz to‘plagan.
Sotsiologik tadqiqotlar markazi o‘tkazgan ekzit-poll natijalariga ko‘ra, Aliyev 92,4 foiz ovoz to‘plagan. Chorshanba kuni kechqurun bo‘lib o‘tgan brifingda markaz vakili shunday ma‘lumotlarni taqdim etdi.
Ushbu ekzit-poll natijalariga ko‘ra, Zohid O‘ruj 2,2 foiz, Fozil Mustafo — 2 foiz, Gudryat Gasanguliyev — 1,6 foiz, Elshod Musayev — 0,8 foiz, Rozi Nurullayev — 0,6 foiz, Fuad Aliyev — 0,4 foiz ovoz olgan.
Ozarbayjonda prezident yetti yilga saylanadi, muddatlar soni bo‘yicha hech qanday cheklovlar yo‘q.
Avvalgi prezidentlik saylovlari 2018-yilning aprel oyida bo‘lib o‘tgandi. Unda Ilhom Aliyev 86,22 foizi ovoz bilan g‘alaba qozongandi.
Aliyev Ozarbayjonni 2003-yilning oktyabridan beri boshqarib keladi.
Izoh (0)