O‘zbekiston prezidentining taklifiga binoan Belarus prezidenti Aleksandr Lukashenko 7-fevral kuni rasmiy tashrif bilan O‘zbekistonga kelgani to‘g‘risida xabar berilgandi. Bosh vazir matbuot kotibining ma’lum qilishicha, Aleksandr Lukashenko bugun, 8-fevral kuni “Yangi O‘zbekiston” bog‘iga tashrif buyurgan.
Qayd etilishicha, Aleksandr Lukashenko bosh vaziri Abdulla Aripov hamrohligida “Yangi O‘zbekiston” bog‘iga tashrif buyurib, Mustaqillik monumenti poyiga gul qo‘ygan.
Oliy martabali mehmon majmua meʼmoriy yechimlari hamda kompozitsiyasining mazmun-mohiyati va xususiyatlari bilan batafsil tanishgan.
“Vatanimizning 3 ming yillik tarixida yuz bergan eng muhim voqealarni o‘zida ifoda etgan ushbu majmua Belarus delegatsiyasida katta taassurot qoldirdi. Ta’kidlash joizki, mamlakatimizga tashrif buyurayotgan mehmonlarning prezidentimiz Shavkat Mirziyoyev tashabbuslari bilan bunyod etilgan mazkur muhtasham majmua bilan tanishuvi anʼanaga aylangan”, — deyiladi xabarda.
Izoh (0)