O‘zbekiston prezidenti Shavkat Mirziyoyev va Belarus prezidenti Aleksandr Lukashenko Toshkentdagi “Humo Arena” sport majmuasiga tashrif buyurgani haqida xabar berilgan edi.
O‘zbekiston prezidenti matbuot xizmatining maʼlum qilishicha, muz saroyidagi ushbu uchrashuv chuqur ramziy maʼnoga ega. Aleksandr Lukashenko – xokkey ishqibozi, Belarusda ushbu sport turini rivojlantirishga alohida eʼtibor qaratdi, o‘z ham bir necha bor muz maydoniga tushgan.
O‘zbekistonda ham sportning qishki turlari, shu jumladan xokkeyni rivojlantirish bo‘yicha katta ishlar qilinmoqda. 2019-yilda Shavkat Mirziyoyev tashabbusi bilan “Humo Arena” ko‘p funksiyali muz saroyi barpo qilingan edi. Toshkentning “Humo” jamoasi xalqaro va mintaqaviy musobaqalarda muvaffaqiyatli ishtirok etmoqda, xususan, Belarusning Grodno shahri “Neman” klubi bilan bellashib kelmoqda.
Tanishuv chog‘ida prezidentlar Toshkentning “Humo” va Ostonaning “Nomad” xokkey jamoalari o‘rtasidagi uchrashuvni tomosha qildi. O‘yin yakunida oliy martabali mehmonlarga ularning ismlari tushirilgan xokkey kiyimi topshirildi.
Tashrifning asosiy tadbirlari ertaga, 8-fevral kuniga rejalashtirilgan.
Izoh (0)