Isroil hukumati qurilish ishlariga O‘zbekiston, Hindiston va Shri-Lanka fuqarolarini taklif qilmoqchi. Bu haqda Reutersga tayanib Spot xabar berdi.
Rasmiylar xorijlik muhojirlardan foydalanib, so‘nggi oylarda sohada shakllangan ishchi kuchi tanqisligini bartaraf etmoqchi.
Isroil—Falastin urushi avj olishidan avval Isroil qurilish maydonlarida 72 mingga yaqin falastinliklar ishlagan. G‘azodagi mojaro avj ola boshlaganidan so‘ng, Isroil xavfsizlik idoralari ularning ishlash ruxsatnomalarini to‘xtatib, mamlakatdan chiqarib yuborgan.
Hozirda qurilish maydonchalarida bor-yo‘g‘i 20 ming xorijlik ishlamoqda, shu sababli maydonlarning yarmida ishlar to‘xtatilgan.
Umumiy hisobda uchta mamlakatdan 65 ming nafar mehnat migrantlarini jalb etish rejalashtirilgan. Yangi ishchilar qurilish obyektlarida kadrlar yetishmasligi muammosini hal qilishlari kerak.
Isroil uy-joy vazirligi ma’lumotlariga ko‘ra, xorijiy ishchilarning birinchi guruhlari yaqin haftalarda kelishi kutilmoqda.
Izoh (0)