Germaniyada GDR davrida qurilgan bunkerli uchastka sotiladi (foto)

Germaniya aholisiga yadro urushi bo‘lgan taqdirda himoyalanish uchun eski bunker sotib olish taklif qilindi. Bu haqda Bild xabar berdi.

Obyekt radioaktiv moddalardan himoya qilish tizimlari bilan jihozlangan. Uning hozirgi egasi Xaynts Furmann bunkerni million yevroga sotmoqchi. Uning fikricha, bu taklif barcha turdagi ofatlarga puxta tayyorgarlik ko‘radiganlar uchun qiziqarli bo‘lishi mumkin.

35 ming kvadrat metr maydonga ega suv va elektr energiyasi bilan ta’minlangan hudud 950 kvadrat metrlik yadroviy bunkerni va C himoya toifasini o‘z ichiga oladi. 

U Meklenburg-Vorpommern shahrida joylashgan bo‘lib, dush, hojatxona va ventilyatsiya tizimi bilan jihozlangan. Qayd etilishicha, Germaniya demokratik respublikasi davrida mazkur uchastkada rasman pochta bo‘limi joylashgan bo‘lgan. Bunker egasining ta’kidlashicha, majmua o‘rnida Shtazi eshitish stansiyasi bo‘lgan. Bunker GDR mudofaa vaziri Xaynts Xofman uchun qurilgani, obyekt yonida uning dala hovlisi bo‘lgani ma’lum qilindi.