Ijtimoiy tarmoqlarda Toshkent shahridagi shifoxonalardan biriga davolanish maqsadida borgan fuqaroga sifatli tibbiy xizmat ko‘rsatilmagani haqida xabar tarqaldi. Sog‘liqni saqlash boshqarmasi holat yuzasidan tushuntirish berdi.
Aniqlanishicha, 2024-yil 4-yanvar kuni Toshkent shahar Chilonzor tumani “Katta Qozirobod” MFYda yashovchi fuqaro G.Yu. rejali imtiyozli yo‘llanma asosida Toshkent shahar tez tibbiy yordam klinik shifoxonasi kardiologiya bo‘limiga YUIK: Zo‘riqish stabil stenokardiyasi FS II tashxisi bilan murojaat qilgan.
Shundan so‘ng bo‘lim mudiri bemordan imtiyozli yo‘llanmadagi eslatmada yozilgan tibbiy tekshiruvlar (ambulator kartadan ko‘chirma, umumiy qon tashxisi va peshob analizi, EKG, ko‘krak qafasi organlari rentgen tekshiruvi) natijasini so‘ragan va unga bu rejali davolanish uchun berilgan yo‘llanma ekanligini tushuntirgan.
Joriy yil 8-yanvar kuni fuqaro G.Yu. shoshilinch kardiologiya bo‘limiga qayta murojaat qilgan va o‘ziga berilgan imtiyozli yo‘llanma asosida davolanish uchun yotqizilgan. Muassasada unga belgilangan standartlar asosida davo choralari olib borilgan.
Izoh (0)