Toshkent – O‘sh avtomobil yo‘lining “Qamchiq” dovonidan o‘tgan 100 km qismida intellektual transport tizimini joriy etish ishlari olib boriladi. Bu haqda AOKAda o‘tkazilgan brifingda Avtomobil yo‘llari qo‘mitasi axborot xizmati rahbari Nilufar Jumayeva maʼlum qildi.
Joriy yilda 21 300 km avtomobil yo‘llari va 315 ta ko‘priklar rekonstruksiya qilinadi va taʼmirlanadi. Shuningdek, yo‘l ishlari bo‘yicha texnik topshiriq shartlarini ishlab chiqishda namunaviy loyiha andozalaridan voz kechilib, har bir loyihaga alohida yondashgan holda yo‘l qoplamalari konstruksiyalariga zamonaviy materiallar va texnologiyalar qo‘llaniladi.
Loyihadan obyektni topshirishgacha, shuningdek, ularni ekspluatatsiyasi bilan bog‘liq barcha jarayonlarda talon-torojlikka chek qo‘yish maqsadida tizim yaratiladi, bunda sohani raqamlashtirish bo‘yicha “Yagona elektron platforma”ni yaratish ishlari yakunlanadi va “test” rejimida ishga tushiriladi.
Sohaga davlat-xususiy sheriklik shartlari asosida hududlarda 20 km dan kam bo‘lmagan jami 260 km avtomobil yo‘llarini ekspluatatsiya qilish ishlariga xususiy sektor jalb qilinadi. 30 donadan ortiq ko‘chma va statsionar tarozilar ishga tushiriladi. Osiyo taraqqiyot banki bilan hamkorlikda A373 Toshkent – O‘sh avtomobil yo‘lining “Qamchiq” dovonidan o‘tgan 100 km qismida intellektual transport tizimini joriy etish ishlari olib boriladi.
Izoh (0)