FlyDubai авиакомпаниясининг Тошкент вақти билан соат 04:00 да учиши белгиланган FZ1942 (Тошкент–Дубай) рейси техник сабабларга кўра 24 соатга кечиктирилди. Бу ҳақда Uzbekistan Airports матбуот хизмати хабар берди.
Қайд этилишича, ушбу рейснинг барча йўловчилари авиакомпания томонидан меҳмонхонага жойлаштирилган.
Дастлабки маълумотларга кўра, FZ1942 рейси 2024 йил 1 февраль Тошкент вақти билан соат 04:30 га кўчирилган.
“Парвоз жадвалига киритилган ўзгартиришлар тўғрисидаги батафсил маълумотларни авиаташувчидан олиш мумкин. Шунингдек, парвоз ҳолати ҳақидаги маълумотларни Uzbekistan Airports’нинг расмий веб-сайти ва мобил иловаси орқали олиш мумкин”, — дейилади хабарда.
Аввалроқ Тошкент—Бангкок—Тошкент йўналиши бўйича авиарейс, Лондон—Тошкент йўналиши бўйича учиши керак бўлган рейс кечиктирилгани тўғрисида хабар берилганди.
Изоҳ (0)