“Slovakiya omboridagi qurollarni Ukrainaga bermaydi” — parlament spikeri

Slovakiya xususiy harbiy shartnomalarni amalga oshirishda davom etadi, ammo armiya omborlaridan Ukrainaga harbiy yordam yubormaydi. Bu haqda Slovakiya parlamenti spikeri, “Ovoz” koalitsiya partiyasi yetakchisi Piter Pellegrini ma’lum qildi, deb xabar beradi HNonline.

U xalqning Ukrainaga munosabatini alohida siyosatchilarning bayonotlari asosida baholash shart emasligini aytdi. Mamlakat gumanitar va texnik yordam ko‘rsatishda, xususan, minalardan tozalashda davom etadi. Yevroparlament prezidenti Roberta Mezola bilan uchrashuv chog‘ida Pellegrini ta’minot mamlakat Sog‘liqni saqlash vazirligi orqali yetkazib berilishini aytdi.

Spikerning ishontirishicha, Slovakiya Ukraina bilan xususiy harbiy shartnomalarni uzishni rejalashtirmaydi. U Ukraina uchun o‘q-dorilar yarim davlat korxonalarida ham ishlab chiqarilishini eslatdi. Slovakiya sharqida shikastlangan Ukraina harbiy texnikasi ta’mirlanmoqda. Bu Germaniya tashabbusi bilan amalga oshirilmoqda.

Siyosatchi Slovakiya endi o‘zining mudofaa omborlaridan harbiy yordam bermasligini ta’kidlab, bu Slovakiya Ukrainadan yuz o‘girishini anglatmasligini ta’kidladi. Uning so‘zlariga ko‘ra, Ukraina uchun ajratiladigan 50 milliard yevro nazoratsiz qolmaydi va bu resurslar chayqovchilar qo‘liga tushmaydi.