Avstraliya terma jamoasi bosh murabbiyi: “O‘zbekiston futbolga katta investitsiya kiritmoqda. Ularning tarkibida ko‘pchilik mahalliy chempionatda to‘p suradi”

Futbol bo‘yicha Osiyo Kubogi guruh bosqichida 3-turida O‘zbekiston Avstraliya bilan 1:1 hisobida durang qayd etdi.

Uchrashuvdan so‘ng Avstraliya terma jamoasi bosh murabbiyi Grem Arnold O‘zbekistonning o‘yini borasida o‘z fikrlarini bildirib o‘tdi.

O‘zbekiston kuchli terma jamoa ekanligi ma’lum edi. Ularning AQSH va Meksikaga qarshi o‘yinlarini ko‘rgandim. U-20 terma jamoasi esa Osiyo chempioni bo‘ldi. O‘zbekiston futbolga katta investitsiya kiritmoqda. Ularning bugungi tarkibiga ahamiyat bersak, ko‘pchiligi mahalliy chempionatda to‘p suradi. Bizda esa Avstraliyani o‘zida to‘p surayotgan 4 nafar futbolchi bor (Jo Gauchi, Bruno Fornaroli, Lourens Tomas va Aziz Behich).

Uzoq vaqtdan buyon ichki ligamiz haqida gapirib kelayotgandim va endi bu bilan bezovta qilmayman.

Ikkala jamoada ham biroz charchoq bor edi. O‘zbekistonning o‘yini maqtovga loyiq. Ular oxirgi ikki to‘qnashuvimizga qaraganda ancha o‘sishga erishgani bugun sezildi. O‘zbekiston kelajakda Osiyo Kubogida katta natijalar qayd etishiga ishonaman. Ularga o‘yin uchun rahmat aytaman.

Grem Arnold, Avstraliya terma jamoasi bosh murabbiyi