Австралия терма жамоаси бош мураббийи: “Ўзбекистон футболга катта инвестиция киритмоқда. Уларнинг таркибида кўпчилик маҳаллий чемпионатда тўп суради” 

Футбол бўйича Осиё Кубоги гуруҳ босқичида 3-турида Ўзбекистон Австралия билан 1:1 ҳисобида дуранг қайд этди.

Учрашувдан сўнг Австралия терма жамоаси бош мураббийи Грем Арнолд Ўзбекистоннинг ўйини борасида ўз фикрларини билдириб ўтди.

Ўзбекистон кучли терма жамоа эканлиги маълум эди. Уларнинг АҚШ ва Мексикага қарши ўйинларини кўргандим. U-20 терма жамоаси эса Осиё чемпиони бўлди. Ўзбекистон футболга катта инвестиция киритмоқда. Уларнинг бугунги таркибига аҳамият берсак, кўпчилиги маҳаллий чемпионатда тўп суради. Бизда эса Австралияни ўзида тўп сураётган 4 нафар футболчи бор (Жо Гаучи, Бруно Форнароли, Лоуренс Томас ва Азиз Беҳич).

Узоқ вақтдан буён ички лигамиз ҳақида гапириб келаётгандим ва энди бу билан безовта қилмайман.

Иккала жамоада ҳам бир оз чарчоқ бор эди. Ўзбекистоннинг ўйини мақтовга лойиқ. Улар охирги икки тўқнашувимизга қараганда анча ўсишга эришгани бугун сезилди. Ўзбекистон келажакда Осиё Кубогида катта натижалар қайд этишига ишонаман. Уларга ўйин учун раҳмат айтаман.

Грем Арнолд, Австралия терма жамоаси бош мураббийи