“Emmi” televizion mukofotining 75-taqdirlash marosimida Mettyu Perri xotirasiga bag‘ishlab, “Do‘stlar” serialidagi Iʼll be there for you qo‘shig‘i ijro etildi. Video The Hollywood Reporter tomonidan X (sobiq Twitter) tarmog‘iga joylashtirildi.
Kompozitsiyani qo‘shiqchi Charli Put hamda The War and Treaty dueti ijro etdi va ekranda 2022—2023-yillarda vafot etgan taniqli artistlarning fotosuratlari namoyish etildi. Marosimda Kyorsti Elli, Andre Brauer, Pol Rubens, Anjela Lensberi va boshqalarga hurmat bajo keltirildi.
Charlie Puth performs the theme song from #Friends during the in memoriam segment at the 75th #Emmys pic.twitter.com/YbfNUZOHYj
— The Hollywood Reporter (@THR) January 16, 2024
2023-yilgi “Emmi” marosimi sentyabr oyida bo‘lib o‘tishi kerak edi, lekin Gollivuddagi ish tashlashlar tufayli qoldirilgandi. Mukofotlar 2022-yil 1-iyundan 2023-yil 31-maygacha efirga uzatilgan loyihalarga topshirildi. g‘oliblikni “Merosxo‘rlar”, “Ayiq” va “So‘nggi inson” seriallari qo‘lga kiritdi. Laureatlarning to‘liq ro‘yxati bilan tanishing.
Izoh (0)