Joriy yil 28-yanvardan boshlab O‘zbekiston Respublikasi Vazirlar Mahkamasining 2023-yil 26-oktyabrdagi “O‘zbekiston Respublikasi hududida foydalanilayotgan, sotish yoki shaxsiy foydalanish uchun olib kiriladigan mobil qurilmalarni ro‘yxatga olish tartibi yanada takomillashtirilishi munosabati bilan O‘zbekiston Respublikasi hukumatining ayrim qarorlariga o‘zgartirish va qo‘shimchalar kiritish to‘g‘risida”gi 563-son qarori kuchga kiradi.
Maʼlumki, jismoniy shaxslar davlat chegarasini xalqaro aeroportlar orqali kesib o‘tganda, ular tomonidan mobil qurilmalarni bojsiz olib kirishda miqdoriy norma mavjud emasligi respublika hududiga mobil qurilmalarni tijorat maqsadlarda bojsiz olib kirishni ko‘payishiga sharoit yaratib berganligi sababli o‘tkazish punktlari orqali bojxona to‘lovlari undirilmagan holda 1 dona mobil qurilma olib kirishga ruxsat berilgan edi.
Mazkur qaror bilan jismoniy shaxslar va O‘zbekistonga tashrif buyuruvchi turistlarga yanada qulayliklar shart-sharoitlar yaratish maqsadida jismoniy shaxslar tomonidan O‘zbekiston Respublikasi Davlat chegarasining aviatsiya o‘tkazish punktlari orqali bojxona to‘lovlari undirilmaydigan ayrim tovarlarni olib o‘tishning miqdor normalari chegarani har bir kesib o‘tishda (kelishda) 2 dona telefon apparati, shu jumladan, mobil aloqa moduliga ega bo‘lgan mobil telefonlar va qurilmalar (keyingi o‘rinlarda – mobil qurilmalar) olib o‘tish belgilandi.
Norezidentlar tomonidan kelib tushayotgan murojaatlarga asosan norezident qisqa muddatga kelib ketishi natijasida uning keyingi safar Respublikamiz xududiga tashrif buyurgan taqdirda mobil qurilmadan foydalanish imkoniyati cheklanib qolish holatlari kuzatilgan.
Bu o‘z o‘rnida Respublikamizning turizm salohiyatiga o‘z taʼsirini ko‘rsatayotgani sababli, qisqa muddatga vaqti-vaqti bilan respublikamizga tashrif buyuruvchi norezidentlarga qo‘shimcha qulayliklar yaratish maqsadida ular uchun mobil qurilmalaridan ro‘yxatdan o‘tkazmasdan foydalanish davri dastlabki tarmoq hodisasi vaqtidan boshlab amaldagi 30 kalendar kunidan 60 kalendar kunigacha uzaytirilishi begilandi.
Shuningdek, begona shaxs pasport maʼlumotlaridan noqonuniy foydalangan holda rasmiylashtirish (ro‘yxatga olish) holatlarini oldini olish maqsadida shaxslarni biometrik identifikatsiyalash (Face ID) joriy etildi.
Ushbu Face ID joriy etilishi munosabati bilan hamda ro‘yxatga olingan tugmali mobil qurilmalarning IMEI kodlari ulushi yildan yilga kamayib borayotgani, jumladan, bu ulush 2023-yilda 1 foizga yetmagani sababli mobil aloqa tizimlari orqali (SMS va/yoki USSD so‘rovlar) shuningdek, USSD so‘rov orqali – abonent maxsus USSD menyu orqali mobil qurilmalar IMEI-kodlarini ro‘yxatdan o‘tkazish tartibi bekor qilinadi.
O‘zbekiston Respublikasi Vazirlar Mahkamasining 2023-yil 26-oktyabrdagi “O‘zbekiston Respublikasi hududida foydalanilayotgan, sotish yoki shaxsiy foydalanish uchun olib kiriladigan mobil qurilmalarni ro‘yxatga olish tartibi yanada takomillashtirilishi munosabati bilan O‘zbekiston Respublikasi hukumatining ayrim qarorlariga o‘zgartirish va qo‘shimchalar kiritish to‘g‘risida”gi 563-son qarori kuchga kirgan kundan boshlab begona shaxsga tegishli pasport maʼlumotlaridan foydalangan holda mobil qurilmalarni ro‘yxatga olishga chek qo‘yiladi. Bu bilan Respublikamizga kontrafakt mahsulotlar kirib kelishi oldi olinadi.
Reklama huquqi asosida.
Izoh (0)