Жорий йил 28 январдан бошлаб Ўзбекистон Республикаси Вазирлар Маҳкамасининг 2023 йил 26 октябрдаги “Ўзбекистон Республикаси ҳудудида фойдаланилаётган, сотиш ёки шахсий фойдаланиш учун олиб кириладиган мобил қурилмаларни рўйхатга олиш тартиби янада такомиллаштирилиши муносабати билан Ўзбекистон Республикаси ҳукуматининг айрим қарорларига ўзгартириш ва қўшимчалар киритиш тўғрисида”ги 563-сон қарори кучга киради.
Маълумки, жисмоний шахслар давлат чегарасини халқаро аэропортлар орқали кесиб ўтганда, улар томонидан мобил қурилмаларни божсиз олиб киришда миқдорий норма мавжуд эмаслиги республика ҳудудига мобил қурилмаларни тижорат мақсадларда божсиз олиб киришни кўпайишига шароит яратиб берганлиги сабабли ўтказиш пунктлари орқали божхона тўловлари ундирилмаган ҳолда 1 дона мобил қурилма олиб киришга рухсат берилган эди.
Мазкур қарор билан жисмоний шахслар ва Ўзбекистонга ташриф буюрувчи туристларга янада қулайликлар шарт-шароитлар яратиш мақсадида жисмоний шахслар томонидан Ўзбекистон Республикаси Давлат чегарасининг авиация ўтказиш пунктлари орқали божхона тўловлари ундирилмайдиган айрим товарларни олиб ўтишнинг миқдор нормалари чегарани ҳар бир кесиб ўтишда (келишда) 2 дона телефон аппарати, шу жумладан, мобил алоқа модулига эга бўлган мобил телефонлар ва қурилмалар (кейинги ўринларда – мобил қурилмалар) олиб ўтиш белгиланди.
Норезидентлар томонидан келиб тушаётган мурожаатларга асосан норезидент қисқа муддатга келиб кетиши натижасида унинг кейинги сафар Республикамиз худудига ташриф буюрган тақдирда мобил қурилмадан фойдаланиш имконияти чекланиб қолиш ҳолатлари кузатилган.
Бу ўз ўрнида Республикамизнинг туризм салоҳиятига ўз таъсирини кўрсатаётгани сабабли, қисқа муддатга вақти-вақти билан республикамизга ташриф буюрувчи норезидентларга қўшимча қулайликлар яратиш мақсадида улар учун мобил қурилмаларидан рўйхатдан ўтказмасдан фойдаланиш даври дастлабки тармоқ ҳодисаси вақтидан бошлаб амалдаги 30 календарь кунидан 60 календарь кунигача узайтирилиши бегиланди.
Шунингдек, бегона шахс паспорт маълумотларидан ноқонуний фойдаланган ҳолда расмийлаштириш (рўйхатга олиш) ҳолатларини олдини олиш мақсадида шахсларни биометрик идентификациялаш (Face ID) жорий этилди.
Ушбу Face ID жорий этилиши муносабати билан ҳамда рўйхатга олинган тугмали мобил қурилмаларнинг IMEI кодлари улуши йилдан йилга камайиб бораётгани, жумладан, бу улуш 2023 йилда 1 фоизга етмагани сабабли мобил алоқа тизимлари орқали (SMS ва/ёки USSD сўровлар) шунингдек, USSD сўров орқали – абонент махсус USSD меню орқали мобил қурилмалар IMEI-кодларини рўйхатдан ўтказиш тартиби бекор қилинади.
Ўзбекистон Республикаси Вазирлар Маҳкамасининг 2023 йил 26 октябрдаги “Ўзбекистон Республикаси ҳудудида фойдаланилаётган, сотиш ёки шахсий фойдаланиш учун олиб кириладиган мобил қурилмаларни рўйхатга олиш тартиби янада такомиллаштирилиши муносабати билан Ўзбекистон Республикаси ҳукуматининг айрим қарорларига ўзгартириш ва қўшимчалар киритиш тўғрисида”ги 563-сон қарори кучга кирган кундан бошлаб бегона шахсга тегишли паспорт маълумотларидан фойдаланган ҳолда мобил қурилмаларни рўйхатга олишга чек қўйилади. Бу билан Республикамизга контрафакт маҳсулотлар кириб келиши олди олинади.
Реклама ҳуқуқи асосида.
Изоҳ (0)