2023-yilda Acıbadem: yutuqlar va buyuk ishlar yili

Acıbadem shifoxonalari tarmog‘i uchun 2023-yil yutuqlar va amalga oshirilgan loyihalar yili bo‘ldi. Turkiya va xorijdagi tibbiy xizmatlarning yetakchi yetkazib beruvchisi Acıbadem 2024-yilga 5 mamlakatda 24 ta shifoxona va 16 ta tibbiyot markazlari tarmog‘i bilan kirib, butun dunyodan bemorlarni jalb qilmoqda. Xuddi shu nomdagi oliy o‘quv yurti Acıbadem universiteti ekologik toza muqobillarga investitsiyalarni yakunladi va endi energiya ehtiyojlarining 100 foizini qayta tiklanadigan energiya hisobiga, taxminan nol uglerod tashlamalari bilan qondirmoqda. Yaqinda Turkiyaning sog‘liqni saqlash xizmatlari eksporti bo‘yicha sakkizinchi chempionligini qo‘lga kiritgan kompaniya o‘z tarmog‘ini kengaytirish, xizmatlarini yaxshilash va kelajak uchun barqaror yechimlarni joriy etishga sarmoya kiritishni davom ettirishni rejalashtirmoqda.

Shifoxonalar va aloqa punktlari tarmog‘ini kengaytirish

2023-yilda Acıbadem shifoxonalar tarmog‘i Turkiyaning uchinchi yirik shahri Izmir shahridagi eng yirik xususiy shifoxona va ikkita tibbiyot markaziga egalik qildi. 2022-yil sentabr oyida LEED (Energiya va atrof-muhitni loyihalash bo‘yicha yetakchilik) oltin sertifikatiga ega Acıbadem Atashehir shifoxonasi ochilganidan va Izmirda sog‘liqni saqlash muassasalarini sotib olgandan so‘ng, Acıbadem shifoxonalar tarmog‘i hozirda Turkiya, Bolgariya, Makedoniya, Serbiya va Gollandiyani o‘z ichiga olgan beshta mamlakatda 24 ta kasalxona va 16 ta tibbiy markazni o‘z ichiga oladi.

Acıbadem 29 mamlakatda va 53 shaharda shifoxonaning 58 ta vakolatxonasini ochib, xalqaro bozorda o‘z ishtirokini kengaytirdi. Xalqaro bemorlar tashxisni tasdiqlash va Acıbadem shifoxonalarida davolanish uchun Acıbadem vakolatxonalariga murojaat qilishadi.

Texnologiya va innovatsiyalarga investitsiyalar

Acıbadem eng murakkab tibbiy holatlarni hal qilish qobiliyati bilan mashhur. Yaqinda shifoxonada siam egizaklarini ajratish bo‘yicha operatsiya o‘tkazildi va bolaga jigar transplantatsiyasi amalga oshirildi. Yil davomida 600 nafardan ortiq yurak kasalligi bo‘lgan bolalar, shu jumladan yangi tug‘ilgan chaqaloqlar shifoxonalarda davolangan. 95% hollarda davolanish muvaffaqiyatli bo‘ldi.  Acıbadem Turkiya va mintaqada birinchi bo‘lib CAR T-hujayra terapiyasini – o‘smalarga hujum qilish uchun immunitet hujayralari yordamida saraton kasalligini innovatsion davolashni qo‘lladi

2023-yilda Acıbadem bemorlarni muvaffaqiyatli davolash uchun kadrlar tayyorlash va ilg‘or texnologiyalarni qo‘llashga sarmoya kiritishni davom ettirdi. 3000 nafardan ortiq shifokorlar va 5000 nafardan ortiq hamshiralardan iborat jamoada o‘z sohasidagi eng yaxshi mutaxassislar ishlaydi. Acıbadem shifoxonalari tarmog‘i, ayniqsa, A sinfidagi ilg‘or tajriba markazlari bilan mashhur onkologiya, nevrologiya va neyroxirurgiya, organ va suyak iligi transplantatsiyasi, kardiologiya, pediatriya, IVF, umurtqa jarrohligi va sport tibbiyoti sohalarida ajoyib natijalarga ega.

Saraton kasalligini davolash eng yangi yuqori texnologiyali uskunalardan foydalanish tufayli shifoxonaning asosiy yo‘nalishlaridan biri hisoblanadi. Acıbadem bemorlari eng yangi nur terapiyasi vositalaridan, jumladan, invaziv bo‘lmagan radiojarrohlik uchun CyberKnife (Kiber pichoq), o‘smalar va miya shikastlanishlarini davolash uchun Gamma Knife ICON (Gamma pichoq), chiziqli tezlatgich va magnit-rezonans tomografiya (MRT) ni birlashtirgan MR Linac va saraton kasalligini davolashda sun’iy intellekt (SI) ni o‘z ichiga olgan Ethos (nur terapiyasi) dan foydalanish imkoniyatiga ega. Acıbadem o‘z bemorlari uchun eng yuqori darajadagi xavfsizlik, aniqlik va samaradorlikni ta’minlash uchun eng yangi texnologiyalarga sarmoya kiritishda davom etmoqda.

Sog‘liqni saqlash sohasida kelajak avlodlarni o‘qitish

Acıbadem Turkiyada oliy o‘quv yurtlari bilan hamkorlik qilishni boshlagan birinchi klinika edi. 2007-yilda tashkil etilgan “Acıbadem sog‘liqni saqlash va ta’lim” notijorat jamg‘armasi bugungi kunda Mehmet Ali Aydinlar nomidagi universitet hisoblanadi va tibbiyot, farmakologiya va tibbiyot fanlari sohasida yangi avlod mutaxassislarini tayyorlamoqda. Bu yerda klinik modellashtirish o‘quv markazi, tadqiqot laboratoriyalari va ilg‘or ko‘nikmalarni rivojlantirish uchun yaratilgan biodizayn markazi joylashgan.

Biz bemorlarga xizmat qilamiz, hayotiga daxldormiz

2023-yilda Acıbadem shifoxonalari tarmog‘iga murojaat qilgan 5,5 million bemorning 95 foizi qoniqish hosil qildi. 5 ta qit'adan va 96 ta mamlakatdan 50 000 nafardan ortiq xalqaro bemorlar estetik tibbiyotdan tortib murakkab davolash protseduralariga, minimal invaziv va robot jarrohligiga qadar davolanish uchun Acıbademni tanladilar.  Eng yaxshi mutaxassislar guruhlari har bir bemorni tengsiz professionallik va samimiy insoniy munosabat bilan kutib olishadi.

Siam egizaklari – ko‘p tarmoqli jarrohlik: 6 oylik intensiv tayyorgarlik va rejalashtirishdan so‘ng, Jazoirdan kelgan 5 oylik egizaklar Acıbadem Atakent klinikasida 9 soatlik murakkab operatsiya yordamida muvaffaqiyatli ajratildi.

Robotlashtirilgan reabilitatsiya - orqa miya nervlarining shikastlanishi: qisman falaj bo‘lgan quvaytlik ayol endi mustaqil ravishda yurishi va to‘liq hayot kechirishi mumkin.

Nur terapiyasi - teri saratoni (melanoma): bolgariyalik bemorning yonog‘ida katta shish paydo bo‘ldi. Acıbadem’da bemorga ajoyib natija bilan nur terapiyasi o‘tkazildi: o‘simta butunlay yo‘qoldi. Keksa ayol yana nevaralari bilan gaplasha boshladi va o‘ynay boshladi.

Spastiklikni davolash. Selektiv dorsal rizotomiya (SDR): Iroqdan miya yarim falajiga chalingan 4 yoshli bola og‘ir spastiklik va og‘riqli spazmlardan aziyat chekdi. Bugun bola 5 yoshda va qo‘ltiq tayoqlar yordamida mustaqil ravishda yura oladi. Tez orada u hech qanday yordamisiz yurish imkoniyatiga ega bo‘ladi. U yaxshiroq yashash imkoniyatiga ega bo‘lib yanada qat’iyatli va ochiqko‘ngil bolaga aylandi.

Turkiyadagi Acıbadem shifoxonalarida davolanishga oid o‘zingizni qiziqtirgan barcha savollar yuzasidan Acıbademʼning Toshkent va Samarqanddagi vakolatxonasiga murojaat qilishingiz mumkin:

Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.

Telefon: +998 95 144 54 45

Samarqanddagi vakolatxonamizning manzili: Samarqand shahri, Mirzo Ulug‘bek 140.

Telefon: +998 66 234 41 71

Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru

Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Facebook vа Instagram sahifalariga aʼzo bo‘lishingiz mumkin.

Reklama huquqi asosida.