O‘zbekistonda mikrofirmalar va kichik korxonalarga Jismoniy shaxslardan olinadigan daromad solig‘i (JSHODS) va ijtimoiy soliq bo‘yicha imtiyozlar beriladi. Bu haqda Soliq qo‘mitasi axborot xizmati xabar berdi.
Unga ko‘ra, prezidentning “2024-yilda yangi ish o‘rinlari tashkil etish va aholi bandligiga ko‘maklashish dasturi to‘g‘risida”gi qarori qabul qilindi. Qaror bilan 2024-yil 1-yanvardan 2025-yil 1-yanvarga qadar mikrofirma va kichik korxonalar tomonidan yaratilgan har bir yangi ish o‘rni uchun oylik ish haqi bo‘yicha to‘langan JSHODSning 50 foizi respublika budjetidan ish beruvchiga (har bir ishchi uchun BHMning 2 barobaridan (680 000 so‘m) oshmagan miqdorda) qaytarib beriladi.
Bundan tashqari, ushbu ish beruvchilarga ijtimoiy soliq stavkasi 50 foizga kamaytirilgan holda qo‘llanadi. Soliq imtiyozlarini qo‘llashning majburiy shartlari:
- “Ijtimoiy himoya yagona reyestri”ga kiritilgan fuqarolarni ishga qabul qilish;
- ushbu fuqarolarga har oy uchun MHTEKMning eng kam miqdoridan kam bo‘lmagan (1 050 000 so‘m) ish haqi hisoblash.
Izoh (0)