Qirg‘iziston G‘azo sektoriga 5,5 tonna gumanitar yordam jo‘natdi. Bu haqda mamlakat Favqulodda vaziyatlar vazirligiga tayanib, “Mir 24” xabar berdi.
Ma’lum qilinishicha, kerakli tovarlar va oziq-ovqat Rossiya hududidan sotib olingan, shundan so‘ng yuk Rossiya Favqulodda vaziyatlar vazirligi samolyoti bilan yetkazilgan.
“Gumanitar yordamga oziq-ovqat, suv, choyshab va poyabzal kiradi. Barcha yuklar G‘azo sektori aholisiga insonparvarlik yordamini jo‘natadigan Misr Qizil yarim oy jamiyatiga o‘tkazildi”, — deyiladi xabarda.
10-dekabr kuni Qozog‘iston G‘azo sektoriga 38 tonna gumanitar yordam yuborgandi. O‘shanda gumanitar yordam tashigan samolyot G‘azo sektoridan evakuatsiya qilingan Qozog‘iston fuqarolari va ularning oila a’zolari bo‘lgan 28 kishini olib kelgan. Noyabr oyida ham Qozog‘iston Falastinga bir million dollarlik gumanitar yordam jo‘natgandi.
Izoh (0)