Қирғизистон Ғазо секторига 5,5 тонна гуманитар ёрдам жўнатди. Бу ҳақда мамлакат Фавқулодда вазиятлар вазирлигига таяниб, “Мир 24” хабар берди.
Маълум қилинишича, керакли товарлар ва озиқ-овқат Россия ҳудудидан сотиб олинган, шундан сўнг юк Россия Фавқулодда вазиятлар вазирлиги самолёти билан етказилган.
“Гуманитар ёрдамга озиқ-овқат, сув, чойшаб ва пойабзал киради. Барча юклар Ғазо сектори аҳолисига инсонпарварлик ёрдамини жўнатадиган Миср Қизил ярим ой жамиятига ўтказилди”, — дейилади хабарда.
10 декабрь куни Қозоғистон Ғазо секторига 38 тонна гуманитар ёрдам юборганди. Ўшанда гуманитар ёрдам ташиган самолёт Ғазо секторидан эвакуация қилинган Қозоғистон фуқаролари ва уларнинг оила аъзолари бўлган 28 кишини олиб келган. Ноябрь ойида ҳам Қозоғистон Фаластинга бир миллион долларлик гуманитар ёрдам жўнатганди.
Изоҳ (0)