Moskvada 6 yoshli qizni o‘ldirishga urinishda gumon qilingan Qirg‘iziston fuqarosi qo‘lga olindi, deb xabar bermoqda Rossiya poytaxti Tergov qo‘mitasi matbuot xizmati.
“So‘roq paytida sudlanuvchi o‘z aybiga iqror bo‘ldi va qilmishidan pushaymonligini bildirdi”, — deyiladi xabarda.
Tez orda erkakka ayblov e’lon qilinadi.
Qirg‘izistonlik erkak 6-yanvar kuni Moskva janubi-sharqida joylashgan do‘konda qizga hujum qilgan. Tergovchilar tomonidan odam o‘ldirishga urinish moddasi bo‘yicha ish qo‘zg‘atildi, bu 20 yilgacha ozodlikdan mahrum qilishni nazarda tutadi.
Shot Telegram kanalining xabar berishicha, 43 yoshli erkak Myasnov do‘konida qizga hujum qilib, uning bo‘ynini sindirish bilan tahdid qilgan. Shifokorlar jabrlanuvchiga bosh jarohati tashxisini qo‘yishdi. Mash Telegram kanalining aniqlik kiritishicha, hujumdan oldin erkak aroq sotib olib, ichgan. Erkak politsiya yetib kelguniga qadar qizning otasi tomonidan zararsizlantirilgan.
Izoh (0)