Raqobatni rivojlantirish va iste’molchilar huquqlarini himoya qilish qo‘mitasi tomonidan 2023-yilda o‘tkazilgan o‘rganishlar natijasida 27 ming 730 ta raqobatga zid harakatlar aniqlangan. Bu haqda 11-yanvar kuni Toshkent shahrida bo‘lib o‘tgan matbuot anjumanida ma’lum qilindi, deya xabar bermoqda “Daryo” muxbiri.
Aytilishicha, tahlil natijasida buyurtmachilar tomonidan 5 ming 118 ta (21,9 foiz) savdolar jarayonida 7 ming 640 ta raqobatga zid holatlar aniqlangan.
Qoraqalpog‘iston IIV Yo‘l harakati xavfsizligi boshqarmasi tomonidan 44 ta maktablarda yo‘l harakati xavfsizligi xonalarini tashkil qilish va uskunalar bilan ta’minlash bo‘yicha boshlang‘ich qiymati 1 milliard 595 million so‘m bo‘lgan tanlovlarda savdolarni o‘tkazish bo‘yicha qonun hujjatlarida belgilangan tartiblarning buzilishi hamda ayrim tadbirkorlik subyektlariga imtiyozli shart-sharoitlar yaratilib berganlik holatlari aniqlangan.
Tanlov natijasi qo‘mitaning ko‘rsatmasiga asosan buyurtmachi tomonidan bekor qilinib, takroran o‘tkazilgan, — deyiladi qo‘mita axborot xizmatida.
Qo‘shimcha qilinishicha, qonun buzilish holatlari bo‘yicha tegishli tartibda choralar ko‘rilgan.
Izoh (0)