Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан 2023 йилда ўтказилган ўрганишлар натижасида 27 минг 730 та рақобатга зид ҳаракатлар аниқланган. Бу ҳақда 11 январь куни Тошкент шаҳрида бўлиб ўтган матбуот анжуманида маълум қилинди, дея хабар бермоқда “Дарё” мухбири.
Айтилишича, таҳлил натижасида буюртмачилар томонидан 5 минг 118 та (21,9 фоиз) савдолар жараёнида 7 минг 640 та рақобатга зид ҳолатлар аниқланган.
Қорақалпоғистон ИИВ Йўл ҳаракати хавфсизлиги бошқармаси томонидан 44 та мактабларда йўл ҳаракати хавфсизлиги хоналарини ташкил қилиш ва ускуналар билан таъминлаш бўйича бошланғич қиймати 1 миллиард 595 миллион сўм бўлган танловларда савдоларни ўтказиш бўйича қонун ҳужжатларида белгиланган тартибларнинг бузилиши ҳамда айрим тадбиркорлик субъектларига имтиёзли шарт-шароитлар яратилиб берганлик ҳолатлари аниқланган.
Танлов натижаси қўмитанинг кўрсатмасига асосан буюртмачи томонидан бекор қилиниб, такроран ўтказилган, — дейилади қўмита ахборот хизматида.
Қўшимча қилинишича, қонун бузилиш ҳолатлари бўйича тегишли тартибда чоралар кўрилган.
Изоҳ (0)