Ikki nafar o‘zbekistonlik yosh qilichboz qizlar jahon reytingida peshqadamga aylandi

Xalqaro qilichbozlik federatsiyasi (FIE) 2024-yil yanvar oyi uchun yosh toifalarida sportchilarning yangilangan reytingini e’lon qildi.

Unda O‘zbekiston yoshlar terma jamoasi aʼzolarining aksariyati yuqori pog‘onalardan o‘rin olishgan.

Xususan, Dilnaz Murzatayeva shpaga, Fernanda Errera esa sablya yo‘nalishida reyting peshqadami sifatida eʼtirof etildi.

Jamoaviy dasturda esa sablyachi yigitlar birinchi, qizlar ikkinchi, shuningdek, shpagachi qizlar uchinchi o‘rinda qayd etilgan.

Shaxsiy reytingda kuchli o‘nlikdan joy olgan o‘zbekistonlik sportchilarning holati bilan tanishing:

Shpaga, qizlar:
1. Dilnaz Murzatayeva (O‘zbekiston) – 131.5 (ochko)
9. Shahzoda Egamberdiyeva (O‘zbekiston) – 62

Yigitlar:
1. Muhammad Yosin (Misr) – 189.250
6. Meyirxan Timurov (O‘zbekiston) – 49

Sablya, qizlar:
1. Fernanda Errera (O‘zbekiston) – 166
6. Gulistan Perdibayeva (O‘zbekiston) – 96
7. Ayako‘z Jumamuratova (O‘zbekiston) – 91

Yigitlar:
1. Dari Lukashenko (Ukraina) – 129
3. Islombek Abdazov (O‘zbekiston) – 119.5
4. Azizbek Dauletnazarov (O‘zbekiston) – 116.250.