O‘zbekiston qizichbozlik federatsiyasi bosh hakami Aida Xasanova 23-may, seshanba kuni 39 yoshida vafot etdi. Bu haqida federatsiya rasmiy sayti ma’lum qildi.
“O‘sha kuni Aida xususiy klinikalarning birida kosmetologik operatsiya qilingan. Biroq sog‘lig‘i yomonlashgani bois, kasalxonaga yotqizilgan. Kechqurun reanimatsiyada vafot etgan”, — deya xabar beradi Gazeta nashri.
Ma’lumot uchun, Aida Hasanova 1983-yil 4-avgustda Toshkent shahrida tug‘ulgan. Aida o‘zbek qilichbozi va qilichbozlik bo‘yicha xalqaro hakam bo‘lgan. Xasanova ko‘p karra mamlakat chempioni, 2001—2006 yillarda Markaziy Osiyo chempioni, 2005-yilda Angliyada o‘tkazilgan xalqaro turnirning oltin medali sovrindori.
2014-yilda Aida O‘zbekiston tarixidagi qilichbozlikning barcha uch qurol turi bo‘yicha birinchi xalqaro hakamga aylangan. O‘sha yildan boshlab u Xalqaro qilichbozlik federatsiyasi - FIE hakami bo‘lib, xalqaro chempionat va turnirlarda hakamlik qilishni boshlagan. 2015-yilda Jahon va Osiyo chempionatlarida ilk bor finalda o‘zbekistonlik hakam sifatida ishtirok etgan.
2017-yildan buyon O‘zbekiston qilichbozlik federatsiyasida bosh hakam lavozimida ishlab kelgan.
Izoh (0)