3-yanvar kuni “Gazprom” Xitoyga kunlik gaz yetkazib berish bo‘yicha yangi tarixiy rekord o‘rnatdi. Bu haqda xolding matbuot xizmati o‘zining Telegram kanalida ma’lum qildi.
“Rossiya gazini “Sibir qudrati” gaz quvuri orqali yetkazib berish kompaniyaning kunlik shartnoma majburiyatlaridan yana oshib ketdi”, — deyiladi xabarda.
“Sibir qudrati“ orqali yetkazib berish “Gazprom” va Xitoyning CNPC kompaniyasi o‘rtasidagi ikki tomonlama uzoq muddatli gaz oldi-sotdi shartnomasi asosida amalga oshiriladi.
Xabar qilinishicha, 2024-yil uchun 30 milliard kub metrlik shartnoma hajmi mavjud. 2023-yilda yetkazib berilgan gaz miqdori 22 milliard kub metrni tashkil qilgan. Bu “Gazprom”ning shartnoma majburiyatlaridan 700 million kub metrga ko‘p. Shuningdek, 2022-yilga nisbatan bir yarim baravar ko‘p (15,4 milliard kub metr).
2025-yilda “Sibir qudrati” gaz quvuri to‘liq eksport quvvatiga — yiliga 38 milliard kub metr gaz yetkazib berishga yetishi kutilmoqda.
Izoh (0)