Turkiya Milliy razvedka tashkiloti Isroil razvedka xizmati “Mossad” uchun josuslik qilishda gumonlangan 34 kishini qo‘lga olganini ma’lum qildi. Bu haqda Turkiyaning TRT Haber telekanali xabar berdi.
Hibsga olishlar Turkiyaning sakkiz viloyatida, jumladan Istanbul va Anqarada amalga oshirildi. Qo‘lga olinganlarning aksariyati xorijliklardir. Turkiya prokuraturasi maʼlumotlariga ko‘ra, jami 46 kishi josuslikda gumon qilingan, ulardan baʼzilari avval xorijga chiqqan. 57 ta manzilda qidiruv ishlari olib borilgan.
Tergov ma’lumotlariga ko‘ra, gumonlanuvchilar “Mossad” ko‘rsatmasi bilan Turkiyada yashovchi falastinlik faollarga hujum qilmoqchi bo‘lgan, deb yozadi Daily Sabah.
Turk razvedkasi 2021-yildan beri muntazam ravishda Isroilga josuslikda gumonlanganlarni hibsga olib keladi. Turkiya matbuoti xabariga ko‘ra, hozirgacha o‘nlab odamlar ushlangan.
Turkiya G‘azo sektorida urush boshlagan Isroil Mudofaa kuchlarini qoralaydi. Turkiya G‘azo sektoridagi qilmishlari uchun Isroilni xalqaro sudlarda javobgarlikka tortishga erishmoqchi, degan Turkiya prezidenti Rajab Toyyib Erdo‘g‘on 2023-yil noyabrda.
Izoh (0)